逸東軒 - 新面貌

食物：$$$$

環境：$$$$

服務：$$$$

以往佐敦的逸東軒，燈光昏昏黃黃，而且比較古舊，論環境的確及不上新酒店中菜廳/ 餐廳，不過總廚譚師傅基本功扎實，否則都唔會摘星。

酒店已咁多年，係時候翻新，連帶中菜廳逸東軒也來個大變身，我期待已久。

全新形象示人的逸東軒，比以前高貴得多，而且座位更加濶落，有頂級食肆的基本條件。

餐廳停左咁耐，希望廚子們沒有養懶身，食物水準可以提升就更好。

   

照例，請大家先吃，我沒有咁早到的。可幸，我有班好朋友，幫我留下燒味。叉燒保持一貫高水準，燒腩仔即使放涼了，也是皮脆肉香，可以想像趁熱食會是多美味。

是晚湯品，蟲草花婆參燉螺頭，湯頭清甜得很，螺頭、豬婆參等靚湯料，我自不會錯過。

數數下又有幾年沒嚐過片皮雞，之前在味江南、文華廳及麒麟閣嚐過，皆很喜歡，想不到今晚可在此重溫。

這片皮雞也跟上餅皮、京蔥及鴨醬，吃法跟片皮鴨一樣。麼麼皮夠熱也軟熟，雞皮十級香脆，好味道。

有人愛吃片皮雞，有人中意食鴨，口味不同，唔須要爭拗。

片皮鴨有兩食，片皮雞當然都可以，生菜包雞崧。清爽的生菜包裹住炒得極美味的雞崧，精彩。

接著來是脆皮乳豬炒桂花，譚師傅的基本功咁扎實，炒桂花必定是乾身可口，頂頭加埋脆卜卜的乳豬件，賣相更佳，又好味道。

帶子過橋豆腐蒸蛋白，所謂過橋豆腐，大概就將千頁豆腐置中，蛋白蒸得滑溜是預期之中，帶子只要是靚貨，都無咩可能會唔好食。

單尾，每人一小籠的鮑汁瑤柱荷葉飯。打開籠蓋，掀起荷葉，香氣撲鼻，份量其實不少的，不過水準了得，即使已很飽，也吞下了大半客。

又香甜的芒果卷，又醒胃既山渣卷，仲有名物千層馬拉糕，全部都咁精彩,飽到唔識郁。

食完夜晚唯有做多五十下Sit Up去平衡番。

餐廳資料:

逸東軒

佐敦彌敦道380號香港逸東酒店B2樓

27101093