爆丼屋 - 退而求其丼

食物：$$$1/2

環境：$$$

服務：$$$1/2

早前，學人追趕潮流去吃丼。相隔兩天，又去了另一處地方再食，難道已經上左癮？

非也！原本我們想吃試由明星開設的那家手打意粉專門店，不過人家Work hard, play harder，復活節連休十幾日，我都真係未見過係香港做飲食做到佢哋咁爽。

臨時臨急，只想到這間丼店，便往這方向走去。

記得數月前，被這裡長長的人龍嚇窒而卻步，沒想到今天人氣依然旺盛，即使已兩點多，仍然要等幾張枱。還好，可以先行落單，加快了整個流程。

   

店子地方狹窄，不時聽到唔該借借，同埋被人踢到櫈腳，說實吃得不太自在。

點兩客丼飯，大家些牙食，我向來都是這樣。

不管吃那份丼，均會跟上一碗味噌湯，味道唔差，意想不到的足料，又沒有嗆喉感覺。

其中一款，是帆立貝、三文魚籽盛丼。顧名思義，就是米飯之上，鋪滿帆立貝刺身，以及三文魚籽。

三文魚籽是鋪滿米飯，但仍沒有預期之中的澎湃。雖然這配搭很好下飯，卻總覺欠缺爆汁的口感和鮮美，未算最好。還幸，帆立貝水準可以，當場未去到頂級。

另一碗係火焰盛丼，以火熗將海鮮及蛋黃炙過，多一份香氣。配料之中，同樣有帆立貝，不過我還是喜歡沒火炙過的，更吃待出其鮮味。左口魚和松葉蟹棒，尚算合格。

以丼論丼，我會較喜歡北海丼。

餐廳資料:
爆丼屋
旺角豉油街50號地下8號舖
23322918