大丼屋 - 享受丼下

食物：$$$

環境：$$$1/2

服務：$$$1/2

後生仔女人人活在丼下，筆者要學習人老心不老，追趕潮流，吃丼去。

楊屋道街市對面的小商場百悅坊，個多月前開了間新丼店，我仍然未去，是日機會嚟喇飛雲。

原來三月份新張優惠，丼飯買一送一，只恨我來得太遲。

掉番轉頭諗，我一條友來食，送多個丼俾我都無用，又唔可以拿走。

   

店子裝潢跟香港市面上大部份丼店差不多，只是我比較早到，當時仍沒幾個客，可以清清靜靜食餐安樂茶飯。

有諗過食魚生丼，睇睇下又覺得唔算太吸引，改要客燒牛肉爆丼。

跟餐奉送沙律，以及味噌湯，不過都只是普通過普通的貨色，不值多提。

燒牛肉份量確是多，但賣相遠不及圖片精美，尤其是頂頭的生雞蛋黃。理想與現實，往往是有出入，不是樣樣盡如人意。

牛肉起碼不韌，但肯定不是優質牛，當然幾十蚊個牛肉丼，斷估都唔會期望會吃到宮崎A5和牛吧!

早知個餐有跟湯，就不額外點罐可樂了。

放低一尾紅衫魚，走人。

餐廳資料:
大丼屋
荃灣川龍街118號百悅坊2樓201-202號舖
21562919