Follow me on Instagram

2018年1月19日 星期五

Supergiant - 女士專利??


食物:$$$1/2
環境:$$$$
服務:$$$$

邊個話歎Afternoon Tea係女士既專利

再次來到Mira Moon 歎下午茶,皆因我是Mira迷,而且上次其首度推出的海底世界主題下午茶,幾合我心水,所以我不介意再來。

久唔久換下主題,讓客人有新鮮感,呢個道理無人不曉。今期主題係粉紅氣泡下午茶。

Pink,向來就是浪漫的顏色,再配上Moet & Chandon,酒不醉人人自醉。
    


先吃Scone,鬆脆可口,保持一貫水準。塗上什莓果占和Whipped Cream,感清新整件給我清掉。



咸食有三款,分別是Camembert Cheese伴無花果醬多士、白毛豬火腿水晶包,以及魚子醬青口多士。Camembert Cheese煙韌帶焦香,跟無花果醬好夾,唔錯。沒想過魚子醬跟鮮味小青口擦出的火花,會是如此動人。白毛豬就是預期之中的高質素。



甜點以紅忌廉泡芙最吸睛,起初以為好睇唔好食,不過食落總算鬆脆。



紅粉緋緋的冬甩,造成迷你Size,當然這甜品從來就是偏甜的。朱古力都唔係咁普通,加入了我喜歡的熱情果成份,吃起來多一份清新氣息。



克力蛋糕味道濃郁,更十分有層次感,原來是混合了五層不同質地的朱古力及可可脆餅,呢件小蛋糕真可口。



呢度既馬卡龍,濕潤又不會過甜,可惜無得散買拎走。鹽漬櫻花法式小蛋糕,口感鬆軟外,咸咸甜甜的感覺都幾好。



吃一件茶點,呷一口沾滿糖圈以粉紅香檳作基調的Cocktail,太高貴的享受。

呢份下午茶只係$348(兩位用),還會送上兩支Baby Moet,實在便宜得有點不可思議。


餐廳資料:
Supergiant Tapas & Cocktail Bar

3 則留言: