海外篇：Maya Brasserie - 酒店早餐篇

反正寫開酒店早餐，索性寫埋吉隆坡呢間。

Maya Hotel，網上話佢係五星級，風評不俗。房間巨大(可按此參考)是這酒店的優大賣點，真比傳統的五星酒店大一倍，但整間酒店是比較舊。

同樣地，佢包埋早餐，所以每天我都會吃少少才上路。(我要緊記唔可以再同星洲Ritz Carlton比較)

     

早餐就在酒店地下的Maya Brasserie，餐廳環境優雅，在流水旁呷口咖啡，已是賞心樂事。

麵包款式唔少，吃過幾款也鬆軟可口，尤其喜歡杯仔蛋糕，反而牛角酥最一般，失去了酥脆口感。

粟米片可可片等乃是健康之選，不過我怕怕，無奈要Skip，留番俾愛健康的你們，歡迎食埋我個份。

吉隆坡的炎熱天氣，早上吃些Cold Cut來打開胃口，其實我鍾意。

太陽蛋是預早煎好放出來任攞，反而奄列是即叫即煎，Quota有限，我當然會選擇吃熱呼呼的奄列了吧～

不過最吸引的，就是蝦麵或者喇沙(更替出場)，很地道，同埋酒店用料始終較外面好，蝦既質素都唔差。份量只一小碗的，對我來說剛好。

始終馬來西亞都是盛產水果，所以早餐附有大量的生果也是預期之中，有兩天更見到有大愛的紅肉火龍果，其餘的水果質素，自然也無庸置疑。

飲杯咖啡或果汁，醒醒神神咁上路。又咁講，去旅行又玩又點會唔醒神架呢！

酒店資料:

Hotel Maya

Hotel Maya, 138, Jalan Ampang, Kampung Baru, 50450 Kuala Lumpur, Federal Territory of Kuala Lumpur

(60) 32711 8866