食物:$$$$
環境:$$$$
服務:$$$$
以往能邀請到米芝蓮星級名廚來港擔任短期客席廚師的,不是五星級酒店的F&B Outlet,就是大集團的高級餐廳,荔枝角的意大利餐廳竟有星級名廚擔任顧問總廚,到訪香江為食客親自下廚及為餐廳設計菜單,我有聽錯嗎?
邊間意大利餐廳咁巴閉?原來正是我最頻繁惠顧的Si Simply Italian,最近邀到了連續十年在意大利米芝蓮一星的Chef Stefano Masanti來港。
上網「谷歌」了一下Chef Masanti的資料,其經營的餐廳Il Cantinone,鄰近滑雪勝地Madesimo。摘星咁多年,在當地固然十分有名。
今次Chef Masanti為Si設計了六道菜的星級晚宴菜單,價錢只是$498(另加$148更可有Wine Pairing),實在便宜得過份,唯一解釋就是餐廳落在荔枝角的工業區。
六道菜的晚餐,以鹿腰肉Carpaccio開始。這個做法,鹿肉味一定不會太濃,但檸檬汁及魚子令整件事清香很多,真不錯。
接下來是湯品,係栗子湯,面頭鋪著一層厚厚的忌廉。
其實,內裡還有隻以62度慢煮了一小時的雞蛋。將蛋黃撈勻,可以起動。每口都是濃濃的栗子味,加上巴馬臣芝士的香,即使個湯是幾飽肚,我也可以喝的一滴不剩。
之後是兩款Pasta,先有手功製的Capunti意粉,口感煙煙韌韌,蛋香濃郁,簡單配以芝士及意大利磨菇,平凡中見真章。
另一款是Gnocchi,三大顆圓圓的Gnocchi伴以豬肋骨及篇豆,重點還是落在Gnocchi之上,口感是意想不到的彈牙,薯仔味又香,有驚喜。
主菜係牛仔面頰,廚子以慢煮方式來做,成品自會軟滑可口。伴碟的馬玲薯塊濃郁,再飽也可以吃得下,苦白菜則帶出強烈對比。
甜品是傳統的Semifreddo,Torrone與杏仁帶出超甜的味道,不過甜得來又很好吃,以帶酸的什莓來作平衡,呢個甜品保持傳統風格,我喜歡。
餐後呷口Latte,多麼的滿足。
呢個星級餐單做到二月底呀!
餐廳資料:
Si Simply Italian
Hmm...我下次返黎係咪都應該去下D2 Place揾食呢。
回覆刪除要啦~
刪除呢餐認真吸引吃得很滿意!
回覆刪除Like!
刪除