Follow me on Instagram

2018年1月23日 星期二

School Food (荃灣店) - 臨時臨急韓一番


食物:$$$1/2
環境:$$$$
服務:$$$1/2

打算去茶餐廳隨便吃點東西,點知去到摸門釘原來烔記係唔開夜晚,臨時臨急唔知點收科好。

忽然腦閉塞的筆者,唯有拿出電話,投靠開飯喇!

彈出了一系的餐,不如就近近地School Food,反正荃灣店我從沒吃過,九點鐘應該唔使排隊了吧~
    


的確,唔需要等位,但其實都有九成滿,雖商場開了不少新食肆此品牌仍有一定號召力。



先來客海怪水冷麵,麵條爽滑,而夠冰凍,酸酸的十分醒胃。所謂海怪,大概就是頂頭的幾粒八爪魚,取代了平常的牛肉和雞蛋。



再來是牛牛鐵窩飯,以鐵窩上熱度當然十足。出品有點像日式的蛋蓋飯起初我又以為是火山梳乎蛋要問店員才清。還是不要與正宗的蛋蓋飯相比,至少牛肉飯味道蠻好,頂頭的雞蛋嫩滑有蛋汁,收貨有餘。



最後的火山梳乎蛋,軟綿綿又漲卜卜,吃起來雞蛋的質感果有點像梳乎厘,一陣風咁。不過配上忌廉汁及芝士,煙肉和飛魚籽,整件事又頗有層次,最重要是熱呼呼,三人分份量岩岩好。




轉眼間又近十點,人家差不多打烊,我都醒目唔會阻住地球轉既。

餐廳資料:
School Food

6 則留言: