Instagram

2017年12月27日 星期三

新店速遞:初見創作料理 - 西、日


食物:$$$
環境:$$$$
服務:$$$$

舊同事對餐飲充滿熱誠,但積蓄不多,想話盡地一煲,開間特色小店,問我意見。

我一盤冷水潑埋去,叫佢唔好。雖然本人很欣賞和尊敬那些有熱誠的小店老闆,不過我真不想自己的老友,跌入萬劫不復之地。

可能是誇張了,但在香港,做飲食業真不容易,尤其是小店,交租俾人工,食材又貴,辛苦到趴街,唔蝕已經偷笑。

大家有眼睇,三幾個月玩完的餐廳食肆屢見不鮮,捱到兩年算叻仔,當然會有異軍突起,但乃係極小數。同埋,如果你係瞓身搏一鋪的話,無後路俾自己,風險未免太大。
    


像荃灣有間西餐廳Sky House,出品總算正正常常,店主也有心做,奈何又是結業收場。新接手的叫初見創作料理,某天經過,即管又試試佢水準如何。

之前的裝修仍很新淨,基本上店子是沒怎樣翻新,只在水吧位置加個刺身櫃便是。

是西日混合的店子吧,除了刺身壽司,仲有漢堡甚至意粉供應,你可說他多元化,我卻覺得怪怪的。價錢方面,午市最貴的壽司拼盤才八十八個大洋,而我挑的丼飯,盛惠六十八塊錢,在今時今日茶記都五字頭的勢頭下,呢個收費總算合理。



套餐會跟上沙律,車厘茄清甜,各式沙律菜是可以,但麻醬下得太少,吃起來乾乾的。



三文魚赤蝦刺身丼飯,內有三文魚、赤蝦、玉子及蟹柳等,赤蝦不過不失,味道始終是比較清淡,三文魚亦未見太肥美,各式配料只能說是普,最敗筆還是米飯,爛Pat Pat咁款,質素麻麻地。



跟餐送可樂,或波子汽水(加兩元),癮起,飲可樂好了。

Any肥,希望佢頂得住。


餐廳資料:
初見創作料理

4 則留言: