2017年12月28日 星期四

魚塘鴨子 - 見面,才是重點


食物:$$$
環境:$$$$
服務:$$$1/2

足足期待了兩年,等到頸都長,楓葉國的海豚兒終於回來渡假幾天,大家要把握時間跟她短聚。

由於主角行程太緊湊,一起吃頓晚飯也有難度,大家只可與她食個Lunch

為遷就主角,鐵定了午餐在Elements一帶搞掂,相信外國朋友都會想食烤鴨,因此提議去魚塘鴨子。
    


點了一系列的菜色,當中有些是辣的,為以防萬一,來杯飲品較為穩陣。選來的Break the ice,酸酸的很醒胃,又有點薑啤的味道,蠻不錯。



最先來的竟然是龍蝦雲吞拉麵,大家很禮讓龍蝦尾給我吃了肉質爽口雲吞唔夠分我就沒嚐,但賣相只係麻麻。最敗筆大概就是麵條,太腍身,欠缺爽口質感。



小籠包一客四隻,五個人也不可另加一粒,安排有欠彈性。四隻之中,其中一隻是不同顏色,據知外皮是由紅菜頭弄成,但味道相信沒分別。吃了隻原味的,皮厚而乾,不懂欣賞。



預先留了一隻片皮鴨,鴨皮無疑是片得很薄,鴨肉沒太韌,鴨子的水準是可以。然而,嬷嬷皮卻是很韌,即使熱時仍韌,放涼了就更加嚴重了。



在座有人是咕嚕肉迷,有他在就有咕嚕肉。這裡的出品,咕嚕肉是較細粒,但份量來得挺多。吃起來缺乏外脆內鬆化的口感,但甜酸味可接受。



乾燒蝦球體型龐大是預料之中,汁醬理應是醒胃及較溫和的,不過這出品的辣度,卻是比正常的強橫一點,我們是沒問題,但不嗜辣的主角,頓時被刺激到紅都面晒。



水煮魚相信主角更加受不了。鋪滿辣椒及花椒的成品,賣相真的把海豚兒嚇倒,但唔知係咪擺放得距我較遠,嗅不到陣陣的香氣。夾起一件魚塊來吃,果然不夠入味,有型無神的出品。



最後也要個菜平衡下,炒窩筍,切成絲,但鹽味不足。

咁耐唔見,又點可以盲此散水,齊齊去哈根大師食雪糕吧!


餐廳資料:
魚塘鴨子

7 則留言:

  1. 其實係因爲對住型男索女至搞到紅都面哂啫,唔關蝦先生事嘅。;P

    多謝你地嘅遷就肯同加燦食個lunch就真。:)

    回覆刪除
  2. 我冤枉左蝦先生 :(

    我只係掹車邊的小薯蓉喎~

    回覆刪除
    回覆
    1. 小薯蓉,後來的合照好似你都有少少臉紅wor! XD

      刪除
    2. Maggie有send出來的,唔好扮野

      刪除