食物:$$$1/2
環境:$$$$
服務:$$$$
有人報料,順寧道會開間新Café,並傳了張相片給我,環境看來幾舒適。
好歹也是在長沙灣長大,得知這個消息,立即訂個時間去拜會下。可是,第一次到來之時,店主仍在作最後衝刺,還未開始試業。
不打緊,兩星期後再來,店子已經打開門口做生意。
感覺與上環的Kaffeine有點相近,以白色和木作主調,充滿北歐風情。
五點半左右到來,人客不多,店子沒有下午茶套餐,卻有些輕食,以及蛋糕,可供選擇。
朋友表示不太肚餓,旨在來飲杯嘢,那就挑一份雞蛋菠菜意大利包,同埋蛋糕,大家分享。
意大利包熱暖軟熟,餡料的菠菜細嫩,雞蛋炒得鬆軟,唯香氣未算突出,但已經合格有餘。旁邊伴上沙律,感覺更加健康。
站在餅櫃跟前,猶豫了一會,決定來件香蕉朱古力芝士蛋糕。香蕉朱古力味很出,反而芝士味較薄弱,濃一點芝士香會更好,而餅底也是可以。
記住,這裡是飲茶既地方,有形形式式的茶款,但沒咖啡供應,似乎我近期與茶比較有緣。朋友的薄荷朱古力博士茶,會跟上一個漏斗,請等候一分鐘,再將壺放杯上,讓茶漏進杯內慢皺品嚐。
相信是由於薄荷作祟,香氣撲鼻而來,據說味道幾好,沖泡三次仍很出味。四周看看,大概是用上OR Tea~
許多時飲茶,香氣勝於味道,然而我呢杯水蜜桃錫蘭紅茶,除了香,味道亦不遜色,甚至混入粒粒新鮮水蜜桃在內,很合心,但就無得像朋友那杯咁,可以「玩嘢」。
聽鄰桌的食客大讚雪糕超美味,可惜我已沒空間再吃,看來我有必要為此再來。
餐廳資料:
Tea Hub
長沙灣順寧道439號
呢間嘅裝修感覺好C服呀!
回覆刪除C服架
刪除犀利,可以試得出係咩茶包!
回覆刪除與茶有緣
刪除要去食雪糕啊!
回覆刪除去...但佢夜晚唔開架
刪除