2017年11月28日 星期二

東門冰室 - 「世界仔」的迷思


食物:$$$1/2
環境:$$$
服務:$$$1/2

有些人對紅磡大酒店一帶非常忌諱,連帶附近的餐廳食肆也不敢幫襯。

其實怕什麼?無論你有多富貴,抑或生活閉翳,人終歸總要死一次Umm…經過嗰頭會唔吉利咁唔通做個行既人全部好黑仔?因此我完全唔怕惠食店從不介意吃在陰陽路上。

當然,附近的一些茶記,如這家東門冰室,你要預左佢既客人不是送亡者最後一程的孝子賢孫,就是嗰頭既職員……
   


鱆魚餅豬扒丁麵,加杯熱奶茶丫,唔該!我這樣落柯打。

餐牌查實並無咁既配搭,但我相信係會做到俾我的,呢類人情味小店從來唔會咁死板。

識食喎~呢個好食呀~阿姐姐回應。



未幾,我碗麵送到。撞鬼囉真係幾好食喎豬扒入口鬆化,說沒經過化學洗禮是騙你的,但至少質感唔會太假,醃得入味。鱆魚餅更加是鮮美彈牙,比起豬扒更勝一籌。還喜歡佢會搭上唔少的西生菜,來得很有誠意。加兩蚊將福麵轉成丁麵,倍添滋味。



熱奶茶雖不致完美,但都可以接了。放在枱上是粗粒的白砂糖,坊間甚為少見。



搭枱的職員同阿姐姐熟到不得了,有講有笑,興起上嚟仲甚至同我傾計。看來我是有些慧根,唔知世界那邊請唔請Freelance,等我幫補下收入,做個兼職「世界仔」呢?


餐廳資料:
東門冰室

4 則留言: