食物：$$$1/2
環境：$$$1/2
服務：$$$$
剛從曼谷回港，即刻要相約朋友出來見面聚頭，兼吃好西。
渡假心態持續不減，是晚用餐地點就定在滿滿渡假feel的黃金海岸，佢既扒房好評如潮，我卻一次也未試過。
老實講，作為食肉獸既我，一聽到「鋸扒」兩個字，是無辦法可以抗拒的。
難得入來，一於早少少到埗，去感受下陽光與海灘，之後才慢慢歎。
氣氛輕鬆，沒一般酒店扒房咁拘緊，其實我Buy~
點了套餐，另散叫了沙律及龍蝦湯，好豐富的一個晚上。是本地水耕作的雜菜，感覺新鮮，有埋水煮蛋，再沾些醒胃的黑醋汁，個頭開得好。
龍蝦湯十分濃郁，帶出干邑香，卻又沒有太霸道太搶或帶苦，龍蝦肉的份量亦不少，基本上每口都有龍蝦肉，精彩。
鵝肝批好大塊，夾著脆多士食認真爽皮，在旁的無花果有助中和膩既感覺。
主菜分別選了USDA Prime Rib, 同埋羊滕。經理推出餐車，準備在大家面前切有骨燒牛肉，大家的相機手機亦Ready，拍片的拍片，影相既影相。
切開看見嫩紅的色水，可以確定是好東西。的確，肉味濃郁，有咬口又沒有過韌，沾上燒汁實在美味。作為半個英國人，一定唔會錯過旁邊的Yorkshire Pudding，好喜歡。
羊滕超巨大，不過火侯控制同樣好，肉質鬆化，羊羶味對我來說是恰到好處，大堆頭的配角如露筍、薯茸、羊肚菌等，也不是泛泛之輩。
三色雪糕是優質貨色，自然可以滿足到我。還有很特別的白松露焦糖燉蛋，不諱言，我也是首次吃到此品。
可惜趕時間，等不及疏乎梨便要離開，大家努力食埋我個份啦！
餐廳資料:
Gold Coast Prime Rib
我都鍾意格局無咁拘緊嘅餐廳。
回覆刪除做乜食飯都趕住走呀?
無錢埋單，扮趕時間走人 XD
刪除