食物:$$$
環境:$$$$
服務:$$$1/2
約五年前,紫粵軒剛開業之時,曾與食友在此搞過生日局,印象中食物一般般,環境卻十分優雅。
濶別餘年,水準有否改善我未能確定,只知道一位難求,之前幾次想訂枱飲茶亦不成功。
原來,店子Weekend會分三輪,而且每個時段的座位都很緊張,認真巴閉。
但願,佢係水準大躍進,才吸引到咁多客人啦!
數年後再訪,環境一欄沒有大變動,即使全場爆滿,感覺仍然舒適,唔怕嘈喧巴閉像街市。
拿著點心紙劃呀劃,唔覺意咁劃左好多點心。由最常吃的蝦餃開始講起,個子偏大,澄麵皮不黏牙,蝦肉足且爽口,唯餡料全是蝦肉,若可加入筍尖,我會吃得更高興。
有我在,自會不缺香口嘢。蜂巢芋角做到應有賣相,但口感可以再鬆化一點,但現在已合格。
春卷更要了兩份,炸得香脆,餡料淡淡蝦肉,爽口,醮少量喼汁,效果更佳。
香口嘢我沒有投訴,但包點類則只屬麻麻,叉燒包有欠軟熟,叉燒偏乾。食為奴的咸魚包,除海景軒外,呢度都有供應。兩邊雖煎香,咸魚香氣卻薄弱,可惜!
點心以外,又來些廚房嘢,功序繁複的蝦籽柚皮做得不錯,軟淋入味,沒帶半點苦澀味。
要有菜平衡下,明顯是挑選過的,看得出師傅是有要求。
生怕吃不飽,加碟炒飯與炒麵,最穩陣。咸魚雞粒炒飯,足料又炒得乾身,遠比無厘味道的叉燒炒麵好。
在座都不是甜人,沒再拿餐牌點甜品,要籠馬拉糕便是,大致是軟熟可口。
五年,水準無咩大改變,是不進則退,還是我已經應該要收貨?
餐廳資料:
紫粵軒
只有馬拉糕,我會唔滿足呢!>_<
回覆刪除忍下口啦, 哈哈哈~
刪除嘩,咁又5年了......
回覆刪除時光飛逝
刪除蝦籽柚皮正喔!
回覆刪除你都中意?
刪除當然!
刪除