2017年6月29日 星期四

Thaya - 泰快樂,如何招架





食物:$$$1/2
環境:$$$$
服務:$$$1/2

對泰國菜稱不上熱衷,有時候,半年都食唔到一次泰菜,不過今個星期,卻吃了兩趟,我有時就係咁奇怪。

這次目的地,是西寶城的一間泰國菜館Thaya,港鐵西港島線通車後也真夠方便,一出就是。

大家約埋係地鐵站,有傾有講齊齊上去。可能是平日既關係,屋苑商場人流十分稀疏,鬼影都唔多隻,看來又是靠假日支撐住。


餐廳環境好正,雖則仍未至於一刻戀上。
    


熱到hihi,咪講咁多,先來些凍飲最實際。有酒人選飲Cocktail,而我呢個非酒人揀來杯Passion Fruit Punch,大大口喝下去,透心涼。



半打人馬,點兩款沙律打開胃口。柚子沙律清新,辣度柔和,平易近人。軟殼蟹沙律則走另一極端,軟殼蟹炸得香脆,沙律辣勁非同少可,好彩早有準備,點來凍飲。



接著來像「派對食物」的東西,內容有春卷、魷魚圈、蝦餅、炸魚薯條等,全是香口嘢,當中我較欣賞魷魚圈,春卷也是卜卜脆,配上三款醬汁,可口。而且,大家老友鬼鬼,瞄準那件就用手拿來吃,更加暢快。



大家痴痴地,魚也點兩尾,分別是傳統的鹽焗,以及甜酸。論氣勢,當然是鹽焗取勝,因師傅會在大家跟前拆開鹽巴,切魚起肉。但兩者味道都可以的。



再來的超大串燒牛肉,嚴格來說只是扮串燒。但是,牛肉香口也不韌,除牛肉以外,還有燒菠蘿、南瓜、粟米等,很豐富又色彩繽紛的一道,我肯肯定亦唔會錯過燒菠蘿啦!



論全晚最有驚喜的,必要數到泰式燒雞。看賣相還以為是普通料,但以南薑、香茅等傳統方法醃好,再燒得皮香而肉嫩,即使雞胸位置亦沒半點韌,大家一致讚好。



飽得八八九九,差不多到尾聲了,呢個新派的冬蔭炒飯,吃在咀裡有點像西炒飯的味道,又滲出少少辣,幾特別喎~



甜品索性來個拼盤,芝士蛋糕、芒果糯米飯及火焰雪山也恰如其分,唯獨是像拿破崙的一款,皮是有點過硬。


吃著甜品,心中想起一首歌,泰快樂如何招架……


餐廳資料:
Thaya

4 則留言: