2017年6月4日 星期日

禾牛薈火鍋館 - 夏日打邊邊,快活過神仙


食物:$$$1/2
環境:$$$1/2
服務:$$$1/2

說過很多遍,筆者一年四季都可以吃火鍋,今個星期就已打了兩次邊邊,快活過神仙。

是晚選去禾牛薈,當然不是第一次惠顧呢個品牌,九龍城與尖沙咀店,我也到訪過好幾次。

或許是平日,更可能是仍有人覺得夏天不應打邊爐,所以是晚店子未見太旺場。

做好打邊邊指定動作「混醬」後,湯底也馬上要端上來。有人喜歡辣,也有人吃不了太辣,來個鴛鴦湯底就至好。四川麻辣與什菌鍋是也。麻辣鍋香氣撲鼻,稱不上很辣,卻滲出麻香。清清的什菌鍋也來得不俗。
       


香港人打邊爐唔可以無牛,尤其在座不乏牛魔王,前後來了兩份牛肉。牛頸脊多一點雪花,肉質比較嫩滑,忍不住一片又一片吃下去。另一碟是本地牛,瘦一點,但牛味更出眾,兩者各有捧場客,我就兩碟都中意。



以為兩碟牛就可以滿足到牛魔王?那就錯了,再來多份牛柳粒就差唔多。質素很高的出品,油份足,即使淥很久也不會變韌,又吃了不少。



喜見這裡有牛雜供應,眾牛魔自然開心,我還是首次以牛雜作火鍋配料。牛雜要燙耐啲,至少二十分鐘才行。牛腸甘香,牛肺豐腴,牛肚爽脆,配上麻辣湯底,更加適合。



獅子狗打邊爐,從來不錯。再加入埋芝士的獅子狗,自當更加吸引,但吃時要小心燙口。



有別於一般蝦丸,因這蝦丸內有乾坤,釀入了鵝肝醬,倍添邪惡感。



再吃點韭菜餃及雲吞,足夠有餘了。個人較喜歡韭菜的香氣,而且漲卜卜很可口,雲吞我就覺得普普通通。


仲有冇人想打邊邊?我會赴會的。


餐廳資料:
禾牛薈火鍋館

4 則留言:

  1. 幾時都係香港打邊爐最正,有咁多配料可以揀,唔似呢度嗰啲來來去去得嗰幾樣咁奄悶!;P

    回覆刪除