2017年6月15日 星期四

新店速遞:海鍋手工涮涮鍋 - 火鍋新勢力


食物:$$$$
環境:$$$1/2
服務:$$$1/2

這已是我兩星期內第三次吃火鍋了(連埋日式紙火鍋就四次)。都說過,夏天打邊邊認真正,有傻人相伴,就更加爽!

之前兩次地點均比較遠(將軍澳與九龍城),今云回歸我經常出沒搵食的地區,尖沙咀,吃新開業的火鍋店。

店子在舊商廈的樓上,可搭升降機或行樓梯,雖則只是二樓,但樓梯比較長,還是搭「車立」好。
   


今時今日,食肆沒有提供Wifi,形同犯了死罪。如果有USB充電,唔知會否加分呢?



點好湯底後,又到了打邊邊的指定動作,混醬。

豉油、麻醬,以及炸得很香的熟蒜,簡簡單單便可。



日本白粟米,相信吃過這款粟米的朋友都知道,是清甜到不得了的極品,想不到能在此處吃到。



是晚點的湯底,海參冬瓜牛乳鍋。女士對360牛乳總有莫名好感,加埋海參,幾片玫瑰花辬,增添幽雅,女士們定必興奮,而我更喜愛佢放入冬瓜,單是呢個湯底,已十分稱心。



海鮮拼盤有蝦、鮑魚、蜆、肉蟹等等,全都新鮮,還有坊間少有的新鮮北寄貝,輕輕拖幾下便可,質感柔軟,不會像吃擦字膠咁,讚!



兩人套餐的配料,每樣來少少,份量剛剛好。牛肉就是雪花紋理已知是好東西,吃起來也証明我無睇錯;鵝腸爽脆之餘,更勝在保留了中芯的肥脂;墨丸是手打,口感自然好;很喜歡其韭菜餃,賣相靚仔,皮薄而滑,餡料豐滿味道好。



在餐牌中看到火鍋配料一欄中,有台式鳥結糖,孤陋寡聞的我好有興趣一試。原來,是以墨魚膠混入紫菜,造成像鳥結糖的樣子,有趣。



嚮玲比市面吃到的長得多,有大半隻筷子咁長,巧誇張。即炸的,香得很,口感亦比平日嚐到的好。




頗滿意的一餐,據聞店家有小菜供應,但要預訂,下次一於來試試~

餐廳資料:
海鍋手工涮涮鍋

4 則留言: