2017年5月25日 星期四

新店速遞:大埔好難食牛肉麵 - 違反商品說明條例嗎?


食物:$$$1/2
環境:$$$1/2
服務:$$$

近期,出現愈來愈多嘩眾取寵的餐廳名字,有些是粗口諧音,一些則標奇立異,引人注目。

隨口說都有好撚串、火鍋撚、炸理鹵味、Lee Lo Mei、荷蘭正等等。

呢間,並不是以粗口諧音……叫做大埔好難食牛肉麵,睇你敢唔敢/想唔想去挑戰佢。

今時今日,元朗冰室不會在元朗,紅磡冰室不一定在紅磡,同樣地,大埔好難食牛肉麵,也並不在大埔,而是位於龍蛇混集的上海街。
    


叫得咁既名字,店主也是有性格之士,門口棟住個牌,五不招呼,嫌貴嫌慢嫌少趕時間和囉囉唆唆,請不要去。



店子以牛肉麵為主打,餐牌上有幾款直榿拇指」的推介,我選了其中之一的牛魔王麵。

是三款不同部位的牛,分別是牛腩、牛筋與牛脷,依習慣先呷口湯,幾清醇,牛腩不韌,牛筋膠質豐富,牛脷經烤過的,不馬虎,麵條亦沒過腍,雖稱不上頂級,但肯肯定不是難食,店方明顯違反商品說明條例,哈哈!



再來一份細魚蛋,重點在於咖喱汁之上,自家製,唔算十分辣,卻香,$10/沒有投訴。



要菜心無菜心,要芥蘭無芥蘭,唯有食西生菜,懶健康一下。


今次吃不到佢既炒腸粉,有機會既話,下次試試。

餐廳資料:
大埔好難食牛肉麵

6 則留言:

  1. 可惜我不是牛魔,這個麵不屬於我的。;P

    回覆刪除
  2. 違反啦,不過無人去告佢啦~~~~

    回覆刪除
  3. 作為人父親,不能容有粗口教壞小朋友。講到合情會理。

    回覆刪除
  4. 好坦白, 不如索性叫<18禁牛肉麵>, 包個間鋪頭老闆唔會隨便去食

    回覆刪除