2017年5月24日 星期三

新店速遞:天草漁場 - 志在鬆一鬆


食物:$$1/2
環境:$$$$
服務:$$$1/2

近日發現,銅鑼灣渣甸街,又一幢疑似新食廈的物體。是晚就與朋友摸上去試試。

應該係好新,還沒太多食肆商鋪進駐,當我行去搭笠時,保安叔叔已懂得叫我按六字。

走進餐廳,環境唔錯喎,仲有戶外既位置,在天氣不太熱/凍既日子,在外面喝兩杯,吹吹風,都幾好。

檯紙已將所有食物種類及價錢清晰列出,大家都好熟,想食咩就叫咩,無須太多芥蒂。
   


我就先以爽口的天草漁場卷打開胃口,有些朋友則選擇沙律或其他的。



第一次來,不知其刺身的水準,小試牛刀,來份吞拿魚刺身。赤身與魚腩之間,個人較中意後者,起碼較肥美。



香口東西至岩我,燒隻海老食下。老實講,賣相只是油麻地,還幸肉仍然爽口,蝦頭從來是邪惡焦點所在。



除了蝦,也燒了一隻蜆,肉質細嫩,但稍咸。據朋友說,下幾滴青檸汁會精彩很多,只怪自己懶係要食原裝鮮味吧!



停不了的香口嘢,但再來就不是海鮮,而是更邪惡的鵝肝雞翼。無疑,外皮是燒至香脆,但釀在內的餡料總覺不夠豐富,與我想像中的邪惡度有一點出入。



燒了海鮮與肉,來份燒野菜去平衡下,是有必要的。當中的紫薯、秋葵,也合我心。



最後來碗豚腹柚子烏冬,這個反而不俗,煙煙韌韌頗討好,湯底更滲出微辣,可說是全晚最合口胃的一款。



沒什麼甜品選擇,就以一球咖啡雪糕,去敷衍下甜胃。



食物質素未見驚喜,但環境唔錯,放工跟朋友來吃點東西,飲番杯,未嚐不可。

餐廳資料:
天草漁場

5 則留言: