食物:$$$1/2
環境:$$$$
服務:$$$1/2
奔奔波波令人很累,縱使再攰,假期前夕,也想出來跟朋友大魚大肉,盡情享受一番,這才是生活。
雖經常在附近搭小巴,卻許久沒行過入去老銅Fashion Walk那邊,今時今日嗰度變成點,我冇咩Concept。
朋友話:「既然係咁,就去入面個間Coast
Seafood & Grill啦!」
或許是假期前夕,整條街很旺,七點未夠很多餐廳已七八成滿,看來呢條街早已復活過來,只是我一直慒然不知。
反正有時間,先來些小食來配手中的葡萄酒,芝士菠菜酥,酥皮做得好,唔會一切就散,味道亦對辦。
蒜片蝦是傳統的西班牙Tapas,爽口的蝦肉,必定要連埋蒜片一齊放入口,才是皇道。
剛才看見廚子在片風乾火腿時,我已決定要來一碟。三十六個月的伊比豬,停不了一片又一片的吃,香氣滿佈口腔。
人齊就可以上兩大主角,先是海鮮拼盤,西班牙紅蝦、阿拉斯加長腳蟹蟹腳、兩款生蠔、海膽、帶子、蜆與油甘魚等等,一大盆的端上我跟前,實是相當滿足。
大部份都新鮮可口,其中有幾款較欣賞的包括:西班牙紅蝦,鮮甜度爆燈;長腳蟹肉多而味鮮。兩款生蠔之中,個人始終喜愛法國佳麗多一點。
食肉獸既朋友,面對住呢盤「全部都係牛」拼盤,無不喜上眉梢,口水直流。全是和牛的不同部位,以不同的方法烹調,譬如牛面頰、牛筋肉、三角西冷肉、牛腿,以致牛板腱。
當中的牛面頰,充滿膠性,有點點像在吃牛根的感覺,蠻討好。牛筋肉以韓式的煮法,肉質鬆化不在話下,清湯也十分美味,吸盡湯之精華的白蘿蔔,絕不是路人甲乙丙。
甜品固然也是我們的重點,幸而這裡的選擇也夠多,而且水準不賴。焦糖香煙片海綿蛋糕,味道比賣相更為優勝;芝士雜莓撻,鬆脆可口;但要數到最出色的,肯肯定就是青蘋果卷,超級的酥脆,自行配以忌廉汁,是一流的出品。
當然還走不掉心太軟。有別於坊間的大路口味,切開,湧出來的是榛子漿,伴以杏仁雪糕,是另一番風味。不過,我還是傳統一點,偏向回歸基本步。
有點意猶未盡,誰有興趣下場?
餐廳資料:
Coast Seafood & Grill
Nice photos!!!
回覆刪除有靚牛加靚海鮮嘅晚餐,絕對係假期好開始!
回覆刪除就係啦
刪除好豐富呀!愛牛的你啱晒!
回覆刪除好飽足~
刪除