食物:$$$1/2
環境:$$$1/2
服務:$$$$
跟半個澳門朋友慶生,與其在香港找地方慶祝,倒不如將目的地轉移至濠江,對主角來說,可能會覺得更親切。我們是這樣想的。
主角一向好「順德人」,食咩都無所謂,問佢係唔會有答案的,那就由我哋決定去邊間餐廳。
當中有人建議去加路餐廳,就曾經有過不錯的用餐經驗,反正我沒食過,一於舉手贊成。
「勞煩你訂枱及打點一切,我投你信心一票,放心去搞啦!哈哈哈~」我笑說。
店員友善地奉上餐牌,向我們介紹食物。翻開Menu, 呢樣又想食,個樣又想食,索性請店員不要上麵包,留肚多試幾款菜色,更好。只是,大家本想點楂Sangria,竟然售罄?!
馬介休炒薯絲,大概是港人熟悉的項目,新鮮即炒出來,薯絲香脆熱辣,但馬介休就是一貫的偏韌而無什味道,正常發揮吧!
免治是朋友指定要吃的一味,店員建議雞蛋可生一點點,會更美味,正中我下懷。然而,成品的免治豬及暮粒,未見惹味,雞蛋也煎得過熟了,蛋黃已完全不流,蛋汁無法滲進豬肉碎內,說好的生一點呢?
乳豬飯是必吃之選,乳豬無疑是肉嫩,但皮可以更香脆,墊底的炒飯亦不失美味,不過,以葡菜館子來計,可以期望更高。
反而,葡式炒蜆就相當不錯。以蒜蓉、白酒及牛油去炒,十分之惹味,蜆肉也鮮嫩可口,教人停不了咀。在澳門吃炒蜆,其實幾穩陣。
肉類多,來一碟炒什菜平衡下,無可厚非。
呢餐覺得如何?最重要是睇主角覺得點。不過,我喜歡這家庭式的經營,店員好親切友善,是連鎖店難以見到的臉孔。
餐廳資料:
加路餐廳
生日飯點解好似差咁d野嘅⋯⋯蛋糕呢? ;P
回覆刪除之前食左...哈哈哈~
刪除牛魔劉總,下次去Miramar,個牛肋骨包保食到你lam lam脷!
回覆刪除好想去啦
刪除Sangria賣晒??
回覆刪除佢話無晒冰凍既酒喎~
刪除