2017年4月7日 星期五

味道樂居酒屋 - 長長鰻魚打天下?


食物:$$$1/2
環境:$$$1/2
服務:$$$1/2

長沙灣的味道樂居酒屋,憑著一記長長的鰻魚飯,成為一時佳話,我說過要去會一會佢。

很多時,星期天都會出去長沙灣打波,但店子週日中午不營業,所以一直與之無緣。

終於,在兒童節兼清明節,沒有慶祝不用拜山(不正日拜啦!),反而約朋友出來打波,吃鰻魚飯的機會是我的。

其實有點擔心店子假期開唔開,不過,做生意都要交租架,應該唔會經常休息卦?!
   


兩個人吃不了太多,鰻魚飯是必食的,再點一兩款小食應該足夠了。我是這樣想的。



先來的是鱈魚乾,就是採用的盛器也花過心思,成品質感比想像中更輕怡。吃起來香脆而乾身,本身味道已不俗,沾上醒胃的Mayo,是可以極速清碟的小食。



朋友建議來串串燒,看餐牌中的其中一樣推介,有燒煙肉荔枝卷。煙肉包車厘茄比較常見,拼搭荔枝唔係未見過,但就比較少,所以朋友都有興趣來一客。煙肉燒得還可,邊邊帶點燶又不會太乾硬,可是荔枝已失去水份與甜味,有欠理想。



主角的鰻魚飯最終登場,長長之鰻魚蓋在米飯之上,乃影相呃Like妙品。鰻魚沒有之前在三河屋吃的肥美,亦有點細骨。除了鰻魚外,汁醬也起著舉足輕重的角色,然而,這兒之汁醬並不是開胃的浦燒汁,而是濃濃、重口味的成田醬,個人未見特別喜歡。




一點半來時還幾乎要等位,兩點鬆少少,全場剩下我們一枱。


餐廳資料:
味道樂居酒屋

8 則留言:

  1. 我鍾意食細條d嘅鰻魚,感覺上會香口d!

    回覆刪除
  2. 呃Like妙品,係男女呃Like嘅妙品妙品!

    回覆刪除
  3. 這個時間上來看到你的美食...可惡,哈哈!!
    好想吃鰻魚!!!

    回覆刪除
  4. 去沙田帝都新餐廳魚燒食燒鰻魚啦,超得

    回覆刪除