2017年4月8日 星期六

3rd Space - 此班戟有別於彼班戟


食物:$$$
環境:$$$1/2
服務:$$$$

假日,不妨去盡D~

與朋友吃過午飯,感覺總差一點點,就是欠了甜吧。反正時間尚早,大家也同意要找個地方攻甜。

正當我盤算著往哪家Café之際,朋友忽然開聲,說:想去3rd Space好耐!

無吃過的,我都有興趣。加之,在早一天才見OliFb在這小店打卡,我估應該靠得住卦!

兩點半左右呢D時間,會唔會好多人等位呢?我只擔心這方面。幸好,第二張枱就到我們,真走運。
      


朋友一心來吃這兒的Earl Grey Pancake,所以一坐低,二話不說先柯打這個,飲品慢慢才睇再揀。



即叫即制,約二十五分鐘時間,熱暖的班戟送上來。香蕉片鋪在班戟之上,頂頭再附上忌廉與雪糕,旁邊以士多啤梨及藍莓作點綴。

Pancake算厚身,但不是輕怡像綿花般的質地,而是結實的版本,質感有點似蛋糕。很濃的伯爵茶味道,伴以新鮮的果肉,以及雪糕,友人覺得幾好,而我仍較喜歡輕怡質感如The Pantry的那款。



朋友將餐牌翻來覆去,最終選上了洛神花茶。本人對花茶一向麻麻,還原基本步,要一杯Latte更好。


咖啡水準合格,擁有漂亮之拉花。不論假日或是工作天,也必須喝一杯。



朋友呷口花茶,說:「星期二我新屋收樓啦!」


我呢隻無殼蝸牛,只有羨慕不已。


餐廳資料:
3rd  Space

1 則留言:

  1. 我都係鍾意入口輕怡嘅pancake多d,感覺上無咁飽肚。

    回覆刪除