魂 - 尚未有神魂顛倒的感覺

食物：$$$1/2

環境：$$1/2

服務：$$$

身處銅鑼灣，想食碗日本拉麵，不愁沒有選擇，只怕選擇困難症會發作。

在鵝頸橋附近的我，可轉入去登龍街，旁邊又是堅拿道西，但我偏偏要行多幾步，鑽進霎西街的魂。

以為咁隔涉的店子沒太多人，原來係我好彩行快步，晚上七點打後，客人逐漸進來，不久便Full House。

   

一條友毒食，很自然被安排坐「自修位」。坦白講，個人好唔中意呢類位，加上這店的自修位又特別狹窄，即使我既身形都覺得頂手頂腳，肥少少真係不堪設想，印象分大打折扣。

全店只供應四款拉麵，分別是最基本的魂、火魂、太極，以及青龍。本人之選，係火魂。

火魂就是蕃茄辣汁加豚骨的湯頭。呷一口，以辣味為主，蕃茄味為輔，相信有些朋友會頁唔住呢個辣度，但我仍可以接受。

叉燒只得一片，好像有點……，不過入口軟滑，水準是好的。半熟玉子也得做出流心效果，可收貨。

麵條是捲曲的一款。唔使問，我要有咁硬得咁硬，影完相都唔會變腍，有咬口的我才喜歡。

十八蚊一罐可樂，不如去便利店買便算。

餐廳資料:

魂

銅鑼灣霎西街18C號地下

2893 2699