2017年2月8日 星期三

新店速遞:徽府湯包 - 無眼睇



食物:$$
環境:$$$
服務:$$$

隨著農曆新年的過去,一切又回復正常。

開完會,一個人在渣甸街找吃。由於過年都是吃粵菜與年糕,忽然好想食番隻小籠包,都說我是滬菜控。

就在此時,眼見一所新店,徽府湯包,我當然大喜,不加思索地走進去,找個有利位置坐下。

以店名推斷,這店子應該是主打滬菜吧!但餐牌上又有眾多南點,蝦餃燒賣鳳爪排骨樣樣齊,一時間有點莊閒難分。我同自己講,相信自己第一感覺,點來了小籠包及擔擔麵之滬式食品。

  
 



但是,店員問我,擔擔麵配牛丸/貢丸/魚蛋時,我真係R晒頭,心裡湧出中伏的感覺,不過,已經返唔到轉頭。





小籠包率先登出,厚厚的皮及其賣相,是古老的包法。皮厚不要緊,可是收口位太大,一大粒粉未熟透,就是弊端。豬肉餡好大舊,可以欠缺湯汁,吃起來很乾的感覺。





雖則不太滿意,但試了擔擔麵後,我覺得,小籠包已是上品了。那碗擔擔麵,從麵質到湯頭,也是不堪一提,加幾粒貢丸,是為了照顧香港人口味嗎?





看見鄰桌客人點的辣子雞,又是瞎弄,吃得那枱兩位大陸客破口大罵,真大鑊。





難道,蝦餃燒賣,才是這裡的主打?


餐廳資料:
徽府湯包
銅鑼灣東角福興里3號號

4 則留言: