2017年1月29日 星期日

海外篇:小蓬萊茶室 - 早餐,要豐富的



食物:$$$1/2
環境:$$$1/2
服務:$$$1/2

玩到半夜三更,翌日晨早又起來,去旅行總比返工更辛苦,所以要吃過豐富早餐,才有氣力繼續活動。

放棄了酒店早餐,去吃當地人吃的,我們來到了小蓬萊。

呢檔又想食,嗰檔又想食,今次真大鑊,三條友可以吃得幾多?

   
 



唔理咁多,盡嗌啦!話咁快,一抬都係。





呢度既白腸粉,有圓的也有散的,朋友話要試散的,因為在香港吃不到,我沒異議。與香港最大分別的,是醬汁,除了甜辣醬外,檳城更會混入蠔油,味道又幾特別,我接受到。





這間的多士,並不是炭火燒,卻仍做得香脆,好味道。另點了兩粒半熟蛋,可惜放埋同一杯子內,眼見滑滑溜的蛋,要讓朋友一人獨享。





當地的炒粿角,是以粘米粉與木薯粉結合而成,有點像我們的蘿蔔糕,角切,連埋蛋、芽菜等炒香。蘿蔔糕本身無咩味,但跟其他配料炒出來,乃十分惹味。





雲吞麵在馬拉也相當普遍,湯上或乾撈亦然。不過,成品其他與我們在港吃慣的,大相逕庭。這次我們嚐的雲吞麵乾上,配上了薄薄又瘦瘦的叉燒,雲吞細細粒但皮不滑肉不爽,最弊係個麵條,超大股鹼水味,完全沒有走鹼。





茶(即我們認知的茶走)沒名店多春茶室的甜,不過仍很濃香。





吃得飽飽,但門口阿姐在賣Otak Otak,孜忍唔住買番件邊行邊食。


餐廳資料:
小蓬萊茶室
94C, Macalister Lane, 10400 Georgetown, Penang.

6 則留言: