2017年1月1日 星期日

嚐中菜坊 - 假日大飲茶



食物:$$$
環境:$$$$
服務:$$$1/2

學生年代,聖誕假一定玩到癲,尤其紅日嗰幾日,唔出去尖咀倒數,唔去朋友家玩到凌晨時份,好像枉費了假期一樣。

年紀大了,現在開P是有,但絕不會搞到半夜三更,也不會天天假期去到盡,有時宅在家hea下,又是一日。

趁長假的最後一天,捉緊假期的尾巴,與老友記出來飲餐茶,俾班九十後的小朋友聽到,肯定笑我似大叔。

   
 



如我所料,尖東的這間嚐中菜坊,假日人客不多,可以舒舒服服,坐耐啲都無人趕。





友真知我心,以燒腩仔打頭陣,皮是脆卜卜,可惜實在有點過肥,並不是黃金比例。





另點了幾款小食,木耳鮮淮山,名符其實小食份量,木耳爽口,但淮山很咸,連我都說咸的,就是咸。還有海蜇頭,口感與味道尚可。





點心打衝風的奉上,蝦餃飽滿,摺得靚仔,餡料是全蝦,今時今日很多地方都是這樣,但老餅既我始終喜歡有筍尖與豬肉在內的出品。菠菜餃同樣做得精緻,但只得三粒,我唯有割愛。





蜂巢芋角也是愈見少有之點心,外表幾好,咬落鬆脆,內餡粉嫩,收貨有餘。





腸粉是我常吃的點心之一,但是呢度既腸粉皮偏厚,不滑溜,還幸裡頭既蝦,夠爽口,挽回點分數。





雞扎之腐皮、雞件及炸肚均是吸味的東東,我從來好喜歡吃的,如果能多一條厚厚的火腿,成件事會更圓滿。





崇尚健康的老友記,怎樣也要來碟菜,讓自己心理好過些。



餐廳資料:
嚐中菜坊
尖沙咀麼地道63號好時中心地下30-41號舖
26383329

2 則留言: