食物:$$$1/2
環境:$$$1/2
服務:$$$1/2
每星期在荃灣諗食乜,確是一大煩惱。是晚老豆老媽子有節目,飛起我哋,得我同阿妹撐檯腳,選擇反而更多。
「食咩呀?」呢個問題,我每個禮拜都會問佢一次。
妹:「今日我行過見到,千色莎樂美個位,開左間新嘢。」
佢口中既新嘢,就是咖啡灣,英文為Café Swan,因此是以天鵝為主題,整間餐廳裝修很少女,同時亦見不少家長帶小朋友來用餐。
約五分鐘的輪侯時間,在門外睇睇餐牌,選好食品,剛好可以入座,時間岩岩好。
阿妹要帶子墨汁意大利粉,帶子質素不過不失,意粉反而幾有咬口,吃此品的精粹,在於要吃得豪邁,咀巴要似烏咀狗,然後互笑對方一輪。
忽然,聽到鄰桌的少女向經理投訴,意粉硬左少少,看經理無奈但專業的表現,我和阿妹互相對望,無言。
我的選擇,不難猜,正是All Day Breakfast。請不要太執著內容是否正宗,反正這不是傳統吃英式全日早餐的地方。
炒蛋頗嫩滑,還加入了松露醬,磨菇亦炒得香口,火腿輕煎過,絕不馬虎,還有我喜歡的薯餅。不過,煙肉應可煎香口一點,同埋芝士腸,從來不是我欣賞的東西。整體而言,可以收貨既……
全日早餐加十個大洋,便可有杯熱鮮奶咖啡,何樂而不為?
原來,鮮奶咖啡與榛子牛奶朱古力,也擁漂亮拉花,不過,杯咖啡稍嫌淡口了些少。
店員見我對住食物和咖啡影影影,主動問要唔要幫我哋影張相,卻被我婉拒了,希望他不是玻璃心吧!
餐廳資料:
Cafe Swan
荃灣眾安街68號千色匯2期地下G30-G33號鋪
34811883
睇完意粉選擇,真係估你唔到你揀嘅係all day breakfast喎!
回覆刪除我好難估架
刪除同阿妹撐檯腳,不禁令我想起日後Matthew and Chloe撐檯腳的畫面...! :P
回覆刪除其他唔知,但可以肯定點餐份量會double! XD
刪除XXXD
刪除Al Dente呢家嘢嘿嘿~
回覆刪除吹漲
刪除