食物:$$$$
環境:$$1/2
服務:$$$1/2
濶太雖然食好西多過我食米,去旅行多過我搭的士,卻從不離地,並且深明大義,理解我等活於貧窮線下的賤民之苦況,即使是生日飯,也只選擇去便宜小店大快朵頤。
原本呢,想食潮州嘢既,可是街坊店大排長龍,諗都唔使諗,似乎間嘢有啲料到,約定要擇日再去領教下。
好在,濶太還有其他的心水清單,其中的娘惹嫁到,距我們當時位置並不太遠,而且星馬菜色正合我心,慢慢步行過去吧!
蚊型小店只得三張檯,開放式廚房,想吃什麼,大叫一聲就可以,氣氛輕鬆,首要你不介意坐得迫。
又喇沙,又咖喱,又肉骨茶,兩舊水有找,實在划算。
喇沙有多款選擇,我們挑的,是鮮蝦深海魚蛋喇沙,其實一上桌,已感到對辦。湯底雖不很辣,卻很香很濃,鮮蝦並不是主角,擔大旗的,是白魚蛋,粒粒彈牙味鮮,其餘吸味的豆卜,爽口的芽菜,也恰如其分。麵條,更是油麵加米粉的參參,正宗又合我意。
另外點有肉骨茶,那股香氣和湯色告訴我是無揀錯的。按個人習慣先呷口湯,藥材味不重,但喝下去很舒服,感覺反而像星洲風味。排骨同樣鬆化可口。遺憾只是沒有油條來伴之。
肉骨茶可配白飯或米粉,總覺得跟白飯會比較合襯。索性將湯來撈飯,三兩下手勢可清得一粒不剩。
正猶豫在吃那款咖喱,店主話不如牛腩?又好。可惜,咖喱雖香,牛腩份量不少,但個別是有點韌,只屬中規中矩。
原本對榴槤湯丸頗有興趣,可惜售罄,沒法子吧,唯有另覓地方吃甜品。點子的梳乎厘班戟,就在不遠處。
餐廳資料:
娘惹嫁到
西環薄扶林道29C-29D廣德樓地下A3舖
25598869
好大粒白魚蛋呀,仲要係油麵米粉都有,啱哂口味!
回覆刪除係正架
刪除小店從來多驚喜!
回覆刪除