2016年12月5日 星期一

龍門一番 - 龍門切忌亂擺



食物:$$$
環境:$$$$
服務:$$$$

荃灣有間新開的上海菜館,名叫龍門一番,呢個名字,令我聯想到當今的正苦,龍門任佢擺,飄移境界。

但願呢間館子的水準,不像我們正苦的龍門,飄忽不穩。

週日,約六時左右與家人來到,接待員說個半鐘還檯有冇問題,我答應,但心想,真有這麼旺場嗎?

六點半再望出門口,已開始排大隊,OK, You Win

   
 



店員以小茶包奉茶,每人可接自己的喜好去揀選,來得更有彈性。可是,我挑的仁參烏龍,始終及不上金滿庭。





小籠包光速送上,皮略厚,做不到盪鞦韆效果,但湯汁總算豐盈,味道亦不過不失,沒有投訴。





素鵝有煙燻有香煎,選了後者,可是腐皮沒半點脆口,而且十級的韌,有欠豐富餡料,遠低於合格分數。





炸菜肉末,可配叉子燒餅,或者薄餅,老媽子決定要叉子。炸菜肉末味道不俗,叉子總算烘得香口,可惜溫度不足。自行將餡料填滿,墳飽肚子沒問題,但驚喜欠奉。





奶油津白,配上了小量咸香的火腿,頓時升價。





最後來一碗擔擔麵,可惜在麵湯的層次味道,以致麵條的口感,也未能滿足到我。





有考慮過吃高力豆沙,但回家有甜品,因而放棄了。


餐廳資料:
龍門一番
荃灣青山公路荃灣段388號中國染廠大廈(8咪半)1樓105號舖
28061313

7 則留言: