Yadllie Plate - 花樣多多

食物：$$$1/2

環境：$$$$

服務：$$$$

近年已甚少到兆萬開飯，原因好簡單，年青人太多，我早已屬超齡級別，總有點格格不入既感覺。

據聞有家韓國炸雞名店殺入香港，落戶兆萬中心，朋友好有興趣，囔著要試，即管陪他去扮年青。

點菜沒有分莊閒，每人揀一樣，喜歡吃什麼就出聲。

  

 

首先上場，乃芝士排骨，排骨之下，是海量的芝士墊底，以爐熱著，賣相絕對令人興奮。

當芝士熱至半溶時，服務生會將芝士包裹著每枝排骨，絲絲入扣的畫面，謀殺唔少菲林。

排骨本身沒甚味道，只得微微的辣，勝在肉質鬆化，重口味的芝士，正好彌補這點不足，但當然，呢味嘢都幾漏的。

接著是街頭小食拼盤，同樣是以火熱住，保持溫度。炸南瓜、紫菜卷、韓式魚旦、年糕、蛋，以及不少的芝士，滿滿的浸在紅油之中，想必會頗辣的。然而，即使放了一段時間，各式東西也未見勁刺激，就連原應很吸味的韓式魚旦，與及年糕，亦來得十分溫和。

論造型，最浮誇的必定是棉花糖炸雞，那棉花糖比我個頭還要大得多，大家也忍唔住要輪流同佢影相。

店員會用火熗，將棉花糖噴溶，炸雞盡現眼前。

感覺上，就像中餐的冰鎮與拔絲咕嚕肉，是頗新奇，但我還是喜歡傳統的炸雞。

諗住一杯沙冰，有助解辣，可是無用武之地。

餐廳資料:
Yadllie Plate
旺角西洋菜街1號兆萬中心11樓
23600233