食物:$$$
環境:$$$$
服務:$$$1/2
阿妹生日,又有藉口去食好嘢。吃中吃西還是日,由主角話事。
佢:「食西餐,俾幾間我揀啦!」
Lawry’s The Prime Rib,
Seafood Room, Club Chow, 以及Al Molo,四擇其一,她選了後者。
訂檯時要求坐靠窗位,結果也安排到,可以望著海一片,我懷念,懷念往年...... ;聽,海哭的聲音,這片海未免也太多情......
Sunday Brunch,連加一,四舊水有找,屬合理價錢,夾好幾款主菜,齊齊開心些牙。
外面的Buffet Bar,沙律款式眾多,芝士系列也不弱,有我喜歡的Brie, 亦見「大佬級」的藍芝士,還有蕃茄水牛芝士等。當然不缺必吃的風乾火腿,同埋莎樂美腸,另外的煙三文魚和炸磨菇,做得不俗。
一輪衝鋒後,主菜亦陸續送上。意大利飯的口感對辦,混入了飽滿的辣青口,滲出微微辣勁,更醒胃可口。
再來是兩份扒,NY Steak,要Medium Rare,出來卻是嚴重過熟,顯得有點韌,唯肉香仍可。
另一份是豬扒,這個就好得多,起碼唔會嚡烚烚,近骨位自會更可口。
海鱸魚的賣相麻麻,但做到皮脆肉嫩,屬實而不華之作。反而,配角之三色椒及茄子,卻是淡口無味,未能完滿。
最後的這個自家肉腸薄餅,夠薄,邊邊位帶脆,用手食至和味。
比我更愛吃甜的老豆,衝出去揀甜品,Carrot
Cake、清新的熱情果蛋糕、芝士蛋糕、濃郁既布朗尼,以及各式生果,統統唔放過,誓要將甜胃狠狠填滿。
呷一口苦過我條命的Latte,呆望著海景,對自己的末來,充滿疑惑。
餐廳資料:
Al Molo Ristorante Italiano
27307900
咁好唱口嘅,下次一齊唱K吖!
回覆刪除Happy belated birthday to人地妹妹! :)
卡拉今晚不OK~
刪除我代佢多謝你!:)
苦過我條命的Latte haha~
回覆刪除