食物:$$$1/2
環境:$$$1/2
服務:$$$$
星期一,大家最不情願返工的日子,下班後任性地擦番頓豐富的自助餐,是最佳補償。
要約齊五湖四海的貓朋狗友,旺角大概是最便利的地點,雖然此處人多得透不過氣,並非我喜歡的區域。
現今做餐飲,一成不變即等死,每隔三幾個月便要轉轉款,即使做自助餐,亦然。The
Place,今期主題…… 是芝士!
芝士焗龍蝦、芝士拼盤、火灸芝士、流心芝士蛋糕……我嚟啦~~~
熱身項目 |
品嚐芝士前,吃幾隻即開生蠔熱熱身,合情合理。美國與澳大利亞佳麗,爭艷鬥麗,各具美態。
許多人繼續向凍海鮮埋手,蟹腳、龍蝦鉗,乜乜乜。但我食力有限,加上未百份百痊癒,不能太搏命,直接進攻我的最愛,乃入口溶化、甘香無比的鵝肝。即煎的,配埋薄而脆的多士,太邪惡。
進入核心內圍,即芝士環節,有軟有硬,溫文的車打,以至個性剛烈的藍芝士,每樣試試。還有重點的Raclette Cheese, 造成火焰芝士,熱溶後更香更濃,配兩件烚薯仔,大滿足。
奮力再戰芝士焗龍蝦,開邊波龍,香噴噴,啖啖肉,狀態不佳的我,開始飽了大半。
即使飽,也要試眾人大讚的芝士意大利飯,更私自再下芝士粉,實行邪惡到極點。的確,飯是香,口感也好,更欣賞佢加入菇類,真不錯。
平日缺少湯水,就來一盅中式靚湯,雖則這與芝士無關。
甜品不乏芝士原素,譬如有流心芝士蛋糕等,只是,未見有芝士口味的雪糕,因佢用上的,是Movenpick。
當然,仲有非芝類的甜點,既有抹茶窩夫,更可配十勝紅豆,又有士多啤梨噴泉,甜品呢一欄,強!
繼續放棄咖啡,以熱檸檬茶取而代之。
The Place
旺角上海街555號香港康得思酒店L樓層
3552 3028
好想食芝士乜乜乜呀,太正啦!
回覆刪除yes yes...
刪除快D好返,一齊嘆咖啡同Movenpick啦!
回覆刪除7788 ga la
刪除好番啦又可勁食雪糕喇!
回覆刪除未好晒呀!
刪除