The Fat Pig - 與肥豬進餐

食物：$$$1/2

環境：$$$1/2

服務：$$$1/2

英國名廚Tom Aikens，年紀輕輕夾著米芝蓮殊榮，其掌管的餐廳The Fat Pig，將豬由頭玩到落尾。

長週末的時代廣場，以為會很旺場，實情是，兩點未夠，店子只得三兩檯客人在飲啤酒，看來生意難做。

翻看餐牌，選擇有中有西，豬全部都係豬，蠻有趣的內容，教我有點期待。

   

由小食的脆香豬皮開始，即炸的，香噴噴，拿上手仍是熱燙，可是咬下去頗硬，放涼了情況更甚，牙齒不佳的朋友，建議唔好挑戰呢味。

 

好誘人

主食有邪惡的酒糟五花腩，驟眼睇有幾分似東坡肉，但細心的看，就有點西式，由頂頭吃下去，除了有豐富層次外，更帶微微脆口，滲出酒香，中西合璧的做法，效果依然討好。

 

重點在於醬汁

緊接下來的昆布蘭豬肉腸，特別之處在於醬汁，廚子以牛肉汁及健力士啤及洋蔥打造出來燒汁，味很濃，還滲出點點甜味，與這豬肉腸，有夠合拍。這味更配上軟滑的薯茸，飽肚卻可口。

 

比想像中西式

叉燒蝦仁炒飯，感覺很中式的，但出來的成品，與預期有所不同，像在英國吃到的西式炒飯，但味道又可以喎，只是稍為潤了一丁點。

這一頓全豬宴，有意思。

餐廳資料:
The Fat Pig
銅鑼灣勿地臣街1號時代廣場11樓1105號舖
25773444