2016年10月21日 星期五

Espuma - 繁星已睡



食物:$$$1/2
環境:$$$1/2
服務:$$$1/2

灣仔食廈QRE,或許是競爭太大,或許是晚上人流不足,可能兩者皆是,樓上的餐廳換完一間又一間,再開再死,成惡性循環,多年來沒太大改變。

終於,有小型連鎖店進駐,唔知能否做得長久?

我想講的小型連鎖店,是Espuma,品牌尚且年輕,不足五年歷史,在港雖設有幾間分店,但我從來沒到訪過。

是晚在附近傾完嘢,與朋友上去撐檯腳。

   




先吃我喜歡的西班牙火腿配蕃茄醬多士,火腿味咸卻不夠香,反而在旁的多士香脆,起勢咁塗上蕃茄醬,清新可口。





再有海老天婦羅,與其稱為天婦羅,倒不如叫酥炸大蝦,更為貼切。可惜,炸漿厚而不脆口,白白浪費了幾隻蝦了。





據知,這店的薄餅是名物,那就要個火腿薄餅。是薄而脆,有如薯片的質感,薄餅上的火腿,比起剛才的頭盤,更勝一籌,總的說係合格既項目。





朋友想吃Pasta,便來一客辣海鮮意粉。質感確實頗有咬口,香辣惹味,鋪面的海鮮,只是錦上添花。





品我們揀選了窩夫,口感比預期中出色,加上有Oreo鋪面,同埋雪糕作伴,甜胃當然滿足。





由於之前傾嘢飲左「一大碗」咖啡,結尾來杯熱檸檬茶,消消滯好了,否則,應該會中咖啡毒而死。

餐廳資料:
Espuma
灣仔皇后大道東202號QRE Plaza 25樓
21519126

4 則留言: