2016年10月20日 星期四

新蘭州拉麵小籠包 - 純粹好奇



物:$$$
環境:$$$
服務:$$$

說過無數次,我是上海菜控,本地大大小小的滬菜館子,傳統好新派也好,逃不出我五指山。

呢排,經常搭車途經這家新蘭州拉麵小籠包,雖然有個新字,但看門面,大概已有番咁上下年紀,我很好奇,這兒的食物質素,是否扎實?

為滿足自己的好奇心,找了個晚上,早兩個站落車,入去一探究竟。
 



獨自吃上海嘢,整籠小籠包,加碗湯麵,是指定動作。


今云選了上海排骨湯拉麵,排骨確是熱得燙咀巴,卻有欠外脆內鬆化的口感,有理由相信是翻炸。

無厘嚼勁

麵條軟爬爬的,完全欠缺嚼勁,我最怕呢個質地,幸好湯頭不是太衰,未致一無事處。


皮厚

阿姐問要唔要試蟹粉小籠包,坦白講,信心不大,要回普通的小籠包便可。


夾起小籠包,無穿無爛,但不代表什麼,皆因皮很厚。雖有點湯汁,肉餡亦不會太鬆散,卻稱不上一流水平,頂多只能算是中規中矩。




茶錢$3/ 位,今時今日百物騰貴,划算了。

曾有位名人不止一次在報章批評某知名連鎖滬菜館子要硬收五蚊茶錢,又唔俾靚茶。真唔明佢咩心態,人家不用做生意麼?


餐廳資料:
新蘭州拉麵小籠包
天后永興街25號地下
2508 0588

1 則留言: