2016年10月30日 星期日

蘇浙滙 - 良師與壞學生之約



食物:$$$1/2
環境:$$$$
服務:$$$1/2

無可否認,Facebook非常偉大,能將失散多年的人物重新連線,筆者就是靠fb尋回中學的班主任。

既然相認了,又在網上及Whatsapp神交了一輪,係時候約出來食餐飯聚聚,同行還有另一舊生阿精。

蘇浙滙是我揀選的,原因太簡單,就是方便主角,同埋坐得舒適,唔使限時限刻交檯。

  




假期的晚上,呢頭好似死城咁,任那餐廳做得再出色,摘下更多星星,也是徙然。





老師好客氣,讓我們來發辦,先來兩客冷盤再算。醉雞與素飽魚,光速送上,先吃雞,肉質偏實,還幸酒香充足。





一直好欣賞呢度既素鮑魚,造型神似,吃起來清爽,味道佳,喜歡的話,沾點日本芥末及豉油,又是另一番風味。

 
來不及制止

熱菜有蜜汁火方,只怪我們掛住傾計,給店員殺個措手不及,未影相便切開了火方,發現時為時已晚。





這裡的火方做得不俗,火腿厚身,咸香味與桂花蜜味相融,火腿肥的地方入口溶化,瘦的位置亦沒有太韌,配蓮子、紅蘿蔔,好吃。更欣賞是店子以爐子熱著,保溫度蜜汁唔怕放涼而變得杰撻撻,是細心位。

 


吃過肥膩既火方,來份炒素菜平衝下,山藥、木耳、西芹與秋葵,炒埋一碟,感覺健康。

 

來到蟹季,即管來一籠蟹粉小籠包,皮薄湯汁豐盈,加入了蟹粉,添一份香氣,話知佢是否邪惡。





最後,選兩客甜品,分別係豆沙南瓜餅,以及棗泥窩餅,前者精緻,入口亦不會黏牙;棗泥窩餅賣相雖不太恭整,味道卻合格有餘。





由教育講到投,再去到飲食仲有依家啲師弟傾足四句鐘,仍捨不得離開。


餐廳資料:
蘇浙滙
灣仔港灣道30號新鴻基中心地下G3–4舖
35280228

5 則留言: