2016年10月4日 星期二

炊豕店 - 光輝已去



食物:$$$
環境:$$$
服務:$$$

猶記得,銅鑼灣的炊豕店,那耀眼的門面,以及懷舊的小擺設,甚為討好。她的豬扒,也很不錯。因此,我曾撰文,與大家分享。

今天,店子搬到一彎位之隔的加路連山道,門面變得低調,令人勾起兒時回憶的小擺設,也消失得無影無蹤。但願,佢既豬扒,能夠保持水準。

所以,甫坐下,我不作他選,瞄準秘制豬扒飯,另加一款小食,應該足夠令筆者抱住肚子離開。

    
吃豬的地方


豬扒飯光速送到,說明不是即炸,定係佢將其他客既豬扒飯,俾錯左俾我?

 
外表無問題

Anyway,有得食就食。豬扒色澤金黃,尤如披上金縷玉衣,賣相仍舊吸引。然而,咬下去果真是不熱燙的,雖脆口,但肉質卻有點失真,跟以前相比,是有點遜色。

 
小量肉燥

豬扒底下的肉燥,不很香,份量也與以往一樣的少,難以單靠佢撈飯。還好,我只要少飯。

 
不能要求太多

另外點的小食,當然會是香口嘢,炸鳳尾蝦是也。從來無諗過蝦會有幾高質素,只要外層炸得脆,多沾點沙律醬,便收貨。

 



$4便可有飲品,"可樂"而不為。

 



從店鋪環境到食物質素,也在走下坡,還要再俾多次機會佢嗎?



餐廳資料:
炊豕店
銅鑼灣加路連山道11號地下
2805 6665

4 則留言: