食物:$$$
環境:$$$1/2
服務:$$$1/2
無可否認,年紀有番咁上下,進入一些年輕人集中的韓式餐廳,總有點格格不入的感覺。
這次,朋友相約我去食韓式雪花冰,腦海中浮現兩個疑問:
1.
呢度有無咸嘢食架?
2.
會唔會被人當阿伯架?
不過,筆者最終都是應約了。無他的,因為貪食。
事實証明,我既疑慮,是多餘的。
有創意 |
大家都肚餓,先柯打幾款咸食。其中的韓式魚餅炸麵,挺特別,我從未試過。原來是將韓式魚蛋切成絲,再炸。炸得香脆而不油,吃時帶有魚蛋的味道,隨之跟上兩款醬汁,分別是韓式辣醬,以及Mayo, 悉隨尊便。我梗係鍾情於較刺激的一款啦!
其次是蜜糖烤雞翼,雞翼隻隻皮脆肉嫩,面頭塗上了蜜糖,多一份甜美。這客小食,還附上一小兜椰菜絲,以中和雞翼的油膩感,不錯的安排。
等了又等,燒豬腩肉拼溫泉蛋終於登場。原本是最為期待的,可是,溫泉蛋有欠流心,豬腩肉雖肥瘦有致,卻燒得未夠香脆,浪費了。
始終,雪花冰才是主角,我們選了人氣No.1的芒果口味。質感果真是綿滑細緻,配合酸酸甜甜的芒果漿及果肉,蠻好。偶爾,好像滲出絲絲咸味? 原來是乳酪粉帶出的效果,我幾欣賞。
雞翼得4隻唔多夠喉喎,嘻嘻!
回覆刪除小食, 差不多喇
刪除多謝你冒死相陪haha~
回覆刪除又死唔去
刪除