2016年9月20日 星期二

Babbo Trattoria - 二千年之約



食物:$$$1/2
環境:$$$$
服務:$$$1/2

我份人,好念舊,即使是初出茅廬第一份工的舊同事/上司,只要不嫌棄我不討厭我,筆者也會跟大家保持聯絡,偶爾出來聚一聚,吹吹水。

選址繼續由我負責。這次聚頭的幾位舊同事,對吃既要求不高,以經濟實惠,坐得舒適為大原則。預算,大概是每人二百至二百五十左右吧!

老老竇竇,今時今日,呢個價錢食晚飯,要有番咁上下水準既,唔係話咁容易搵到。

聽聞,銅鑼灣的Babbo Trattoria, 水準不賴,捉大家去做白老鼠。

將餐廳資料Whatsapp給大家,問各位有無意見,原來在時代對面的二千年廣場,不是人人懂的。

       


雖說經濟不景氣,但始終是快樂星期五,餐廳都近乎坐滿。

 
稍淡

點菜由我發辦,先來一客牛肝菌意大利飯,端上來時香氣陣陣,賣相也似樣,米飯的口感還好,只是味道稍為淡口了一點。

 
簡單就好

來意大利餐館,要試試佢既薄餅,我鍾情於的Pizza Margherita。看成品,就是很正宗的拿波里薄餅,批邊香中間帶點濕潤,蕃茄醬、馬蘇畦拉芝士與Basil, 簡簡單單,已很可口。

 
好香

忽然想食雞,大家也沒異議,便叫了迷迭香烤雞。上桌時,比剛才的意大利飯更香十倍,超正似的。我分到的是髀位,吃起來也是預期中的皮香而肉嫩,據知雞胸亦沒有太嚡口。更要讚的是配角的薯條,太美味,可惜只得兩條。

 
俾佢擔正

由於已成最受歡迎配角,應俾機會佢再進一步,擔正試做主角……

有人趕著下場,甜品環節,唯有取消,可惜。


餐廳資料:
Babbo Trattoria
銅鑼灣羅素街2-4號二千年廣場5樓
2606 1288

6 則留言: