Instagram

2016年8月2日 星期二

香港老飯店 - 變了樣



食物:$$$
環境:$$$
服務:$$$

十年多前,還在尖沙咀工作,當時如果有同事生日,或有乜節日等等要慶祝,若不是在自己公司旗下的Outlet食,便是去香老飯店。

多年沒到訪過,只知老飯店已不在商場內,到底係搬左,抑或直頭消失左,我沒有考究。

近排要找上海菜館用餐,上網搜尋,終於知道真相,原來佢搬了去寶勒巷那邊。

姑且看看,現今水準,能否保持。

      
開靚個頭


只三條友,吃不了太多,但冷盤總要有,至少一款就最容易呃like的燻蛋吧!蛋做到溏心效果,吃起來有煙燻香氣,蠻不錯。中芯放上幾粒合桃,香口鬆脆甜美。

 
麻麻

冷盤做得好,可惜熱菜無以為繼,百葉結烤肉,肉雖肥美,卻稍欠甜味,反而百葉結綁得結實,口感不俗。

 
冇喱鑊氣

上海粗炒是大家都喜愛的項目,所以點了一客。成品送上桌時,已覺有欠鑊氣,頗為失望。朋友說味道太咸,我又覺得可以接受,或許是她另外沾的豆辦醬累事。

 

松子魚的個子沒預期中的大,斷估唔會因為我們人少而俾條細魚卦? 再者,份量多少也不是最大問題,最弊既係條魚好腥,又炸得不脆口,大家都無奈地吃剩了。

 
勉強合格啦

唯有叫甜品,有好友Oli在場總離不開八寶飯,要煎的,細份便可。至少煎至香口,味道幾好,勉強算是好頭好尾。

 



又一間曾經喜歡的店子,水準一落千丈。


餐廳資料:
香港老飯店
尖沙咀寶勒巷26號華寶大廈1樓
2722 1812

8 則留言: