食物:$$$1/2
環境:$$$$
服務:$$$1/2
九龍城聯發與佐敦澳牛的關係,以及近期的什麼爭註冊風波,有睇報紙的朋友可能都會聽聞過,唔知既朋友,可以自己去Google下。
有肥豬肉,有人去爭,早非新鮮事。這點,我也絕不關心,我只想食好西,飲杯靚奶茶。
邊個係老闆,邊個攞到個註冊,關我叉事?!
喜歡佢夠光猛 |
其實,一直喜歡聯發的環境,雖不是乜嘢豪裝,卻光猛企理,我最中意光猛的地方。加之,呢度服務又好,又唔會趕你走,所以,我偶爾也會一條友前來嘆杯奶茶,鬆一鬆。
今次來,不吃快餐常餐特餐,先來一份雞蛋三文治。無疑,蛋有蛋香,炒得嫩滑,算厚身,唔錯。麵包比蛋更厚,是這裡的特色,我反而是喜歡薄薄的麵包。
好想放肆下,晚上也要客西多士,最多夜晚再做多50下Sit Up。炸至色澤金黃且均勻,面頭的牛油都唔細片,這是中間沒有夾心的。然而,自行加入海量糖漿,仍是十分邪惡而美味。
最重要嗰杯奶茶,仍保持到。
之後,仲去食甜品。
聯發茶餐廳
九龍城侯王道2-4號地下1號舖
2718 8832
我喜歡內餡西多!!
回覆刪除駛唔駛做多50下呀?你食極都唔肥啦
回覆刪除Thank you wor
刪除