食物:$$$$
環境:$$$$
服務:$$$1/2
七月份,有藉口給自己放肆的吃,食好啲食貴啲,都係呢一個月啫。
其中一餐,再次來到筆者心目中的星級餐廳 - 海景軒,要滾搞梁師傅為我們安排菜單了。佢辦事,完全唔會有甩漏,大可放心。
的確,梁師傅傳來給我的菜單,全是十分吸引,很想那天快些來臨。
靜局 |
經濟不景,連獲獎無數的海景軒,人客也算不上多,難怪在酒店工作的朋友,人人大嘆惡搞。
人齊開飯!先有冷盤兩小碟,分別是京式燻素鵝,以及水晶瑪瑙片。前者包得結實,吃起來燻香味強,後者清爽煙韌,是一貫的高水準。
近期少湯水,是晚也請梁師傅為我們安排,係黑松露燉響螺頭。打開盅蓋,香氣撲鼻,再看材料十足,未喝已知是好東西。隨隨呷兩口,十分順喉,飲完相當舒服。
再來是每人一隻的焗釀蟹蓋,釀得滿滿的,好誇張,影相放上網呃Like無難度。
一如所料,裡頭全是澎湃的蟹肉,貨真價實,超足料,味道鮮,不過實在太漏,所以要配上醋來吃。
再來,是被喻為神級的茶果,底帶脆,外皮軟糯,餡料精彩,仍是十級的好吃,教人愛不釋手。
念念不忘的鴛鴦糯米飯,終於又可碰面。底層煎得香口好吃,再加埋蛋黃,真係不得了。上面得紫糯米跟芋茸,又是另一味道與口感,總之層次豐富,好睇又好食。
外脆內嫩滑的炸鮮奶,以及醒胃的山渣菲林筒,是不可多得的甜點,即使再飽,也要全數吞下。
當然,唔少得即磨的蛋白杏仁茶,又香又濃,超高水平,食完好難返轉頭。在座有些朋友不吃杏仁,改要了紅豆沙,據悉也是稱心如意。
星級就是星級,至少在我心目中,是這樣。
海景軒
尖沙咀麼地道70號海景嘉福酒店B2層
2731 2883
喂喂,我想我地每月聚一次呀
回覆刪除我哋四條友?
刪除都得架!
刪除Yeah~
刪除多謝安排呀,雖然好飽都食到好開心! :)
回覆刪除下次到你安排啦 :)
刪除黎海景軒真係每次都咁好味!
回覆刪除咪就係囉~
刪除跟您們一起最快樂^0^
回覆刪除真的嗎?
刪除