丼家 - 獨丼一面??

食物：$$$

環境：$$$

服務：$$$

打算同濶太去深水埗吃宗像屋，怎料，濶太話元朗有另一家類似的店子，她更想試，此店名叫丼家。

有好嘢食，懶理佢係深水埗，抑或是元朗，即使是去到天腳底，也一於奉陪。

拿出電話，翻開行事曆，跟她約實日子與時間。

濶太份人一向守時，甚至比我更早到達餐廳，要尊貴的她先來霸位，真不好意思，還好店子不似宗像屋般要排大隊。

    

要濶太霸位

山丘海鮮丼是她前來既終極目標，所以必須要點。另外再挑一份小食，大家些牙便是。

 

唔夠羔

小食率先奉上，大家猜到是什麼嗎? 無錯，就係炸軟殼蟹。老老竇竇，賣相絕不誘人，但新鮮炸起，香脆燙口，要是能多點羔，就好。

 

質素平平

所謂山丘海鮮丼，其實是分了兩層，頂頭的是刺身，有蝦有蟹有海膽，有白身魚亦有赤身魚，咁既價錢嚟講算幾豐富，質素卻平平無奇。

 

幾多飯

底下那層就係什錦魚生飯，個兜幾深，飯很多，材料有三文魚、吞拿魚、甜蛋、三文魚籽、青瓜粒等等，頗足料，應屬二人份量。都係果句，各式的魚生，也未到頂級。始終一分錢一分貨。

細食既我們，清掉這丼後，十成飽，幸而仲有個甜胃，下場仍可吃點甜。

餐廳資料：
丼家
元朗鳳攸北街2-6號永富閣地下14B號舖
5541 0744