Follow me on Instagram

2016年7月5日 星期二

丼家 - 獨丼一面??



食物:$$$
環境:$$$
服務:$$$

打算同濶太去深水埗吃宗像屋,怎料,濶太話元朗有另一家類似的店子,她更想試,此店名叫丼家。

有好嘢食,懶理佢係深水埗,抑或是元朗,即使是去到天腳底也一於奉陪。

拿出電話,翻開行事曆,跟她約實日子與時間。

濶太份人一向守時,甚至比我更早到達餐廳,要尊貴的她先來霸位,真不好意思,還好店子不似宗像屋般要排大隊。

    

要濶太霸位


山丘海鮮丼是她前來既終極目標,所以必須要點。另外再挑一份小食,大家些牙便是。

 
唔夠羔

小食率先奉上,大家猜到是什? 無錯,就係炸軟殼蟹。老老竇竇,賣相絕不誘人,但新鮮炸起,香脆燙口,要是能多點羔,就好。

 
質素平平

所謂山丘海鮮丼,其實是分了兩層,頂頭的是刺身,有蝦有蟹有海膽,有白身魚亦有赤身魚,咁既價嚟講算幾豐富質素卻平平無奇。

 
幾多飯

底下那層就係什魚生飯,個兜幾深,飯很多材料有三文魚、吞拿魚、甜蛋、三文魚籽、青瓜粒等等頗足料,應屬二人份量。都係果句,各式的魚生,也未到頂級。始終一分錢一分貨。

細食既我們,清掉這丼後,十成飽,幸而仲有個甜胃,下場仍可吃點甜。



餐廳資料:
丼家
元朗鳳攸北街2-6號永富閣地下14B號舖
5541 0744

6 則留言: