食物:$$$$
環境:$$$$
服務:$$$$
有時候,會找個藉口一家人去吃番餐豐富的,但大都是飲茶,今次都唔例外。
選地方呢個重任,唔使問,梗係落在我手中。
很多星級餐廳食肆,老豆老媽子也到訪過,要令他們有驚喜,亦愈來愈不容易。忽然,筆者醒起一間自己很鍾意既酒店中菜廳。
樓底高是大賣點 |
喜歡這裡,因為樓底夠高,空間感十足。餐廳裝修過後,變得更典雅。唯一是窗外的大地盤,大煞風景。
滿福樓的名物,相信大家都好清楚,是叉燒。入口鬆化,邊位點點微焦,味帶蜜香,依然高水準,我連吞了好幾件。
再來一系列的點心,蝦餃形狀唔錯,摺得靚仔,夾起不黏筷子不黏牙,餡料亦很豐足。
山竹牛肉的質地與味道不會假,且混入了馬蹄粒,豐富了口感,同樣出色。
即使吃過叉燒,也不妨再來一籠叉燒包。很軟熟的包身,按版功不可沒,餡料亦香甜,叉燒粒不硬,合格有餘。
不如何時開始,有春風得意腸的出現,滑滑的腸粉皮,加上脆脆的口感,的確好吃,呢度的出品更是一流。
喜愛香口嘢既我,又來了一客蟹肉蝦多士,色澤唔錯,多士口感鬆脆,頂頭的蟹肉及蝦膠彈牙,岩晒口味。
點心以外,即管試試廚房嘢,大熱天時,最好吃些酸甜酸甜的東西。咕嚕肉經常食,不如試下話梅豬手? 成品送上來時,單是那股香氣,已贏了一半。豬手皮很豐糯,加上陣陣話梅的酸香,可以用精彩去形容。
炒飯定炒麵,我從來沒所謂。商議過後,要福建炒飯,這是我很喜歡的食品,可惜很多地方都做得不好。幸好,呢度既出品好出色,汁醬不會過杰或太少,讚!
足足點了三款甜品,分別是蛋散、蛋撻,同埋馬拉糕,最愛是蛋散,很香,很鬆化。
蛋撻皮亦做得鬆化,只是中芯的蛋漿略略甜了些少,否則也不錯的。
步出門口時,正盤算著什麼時候過對面松菱,吃鐵板燒。我始終是如此為食。
the dim sum looks so yummy. I live in San Francisco and we don't have this quality of dim sum here =(
回覆刪除Very Yummy indeed. Remember to try this restaurant when u back to HK next time. :)
刪除能夠由頭到尾都得到你嘅好評,搞到我都好鬼想試下添! ;P
回覆刪除你返香港一齊試啦~
刪除就等你呢句!;P
刪除一言為定~
刪除正, 裝修後我都冇去過, 好想食呀!!
回覆刪除裝修後依然高水準
刪除得到劉總這樣高度評價好想去試喔!!
回覆刪除快去~
刪除