2016年7月24日 星期日

學園祭 - 回歸校園?


食物:$$$
環境:$$$$
服務:$$$1/2

朋友唔知係咪呢排湊女湊得多,開始掛住幫小朋友安排入學,叫佢揀間餐廳食飯,也選了間充滿「校園氣息」的學園祭,是贏在起跑線效應嗎?

回帶呢家嘢,去到筆者這個年紀,也相當嚮往,所以我唔介意同佢去「返學校」睇睇。

呢類主題餐廳,或者有噱頭,都成吸引唔少後生仔女來惠顧,餐廳要求我們兩個小時交檯。
     
實驗室
經過很多儀器的實驗室,感覺幾過癮,可是我們並不是在那裡「上堂」,而是被安排去了音樂/ 勞作室。

打開手冊點菜
甫坐下,店員便給我們「手冊」,即係餐牌,大家商議一會,鐵定了吃什麼。

化學嘢
先來飲品,以實驗室的器材作盛器,加上飲品的顏色,感覺真的很化學,奸悲奸悲!

食物盒
軟殼蟹手卷,以學生食物盒盛起,充滿回憶。只點了半份,四件。味道算正正常常,軟殼蟹夠脆,可以接受。

未夠乾身
另外,點來牛肉炒粉絲,份量也是比預期中少,小學生份量吧,哈哈!粉絲未算很乾身,但牛肉總算嫩口。

唔得香口
再來的串燒拼盤,冬菇腍身入味,京蔥雞肉肉質合格,據說車厘茄亦多汁,不過,價錢也真是偏貴。

叫俾小朋友既烏冬
最後,要點客烏冬給小朋友吃,與其要淨烏冬,倒不如來個天婦羅烏冬,大人都有得食。各式天婦羅味道平平,最大問題是不夠熱。

告別校園
對香港教育制度諸多不滿既我,都係唔太適合「校園」生活。

餐廳資料:
學園祭
尖沙咀諾士佛臺1號6樓
2687 6565

6 則留言:

  1. 其實你整走D白髮, 再著返校服都可以呃到人架 ;)

    回覆刪除
  2. 我仲以為呢類餐廳多數係食茶餐類型食物添!

    係喎,呢間餐廳有無靚miss呀?

    回覆刪除