2016年7月12日 星期二

華記小食店 - 開心小發現



食物:$$$1/2
環境:$$$
服務:$$$$

儘管今時今日米線當道,幾乎間間米線專門店也須排大隊,好似唔使錢咁但筆者對食米線,不管是清湯還是麻辣依然抗拒,譚仔幾兄弟從來賺唔到我一分錢。反而,我對車仔麵是情有獨鐘,要食自己的話,若不是茶記,多半就是車仔麵。當然,有朋想陪我食車仔麵的話我是無任歡迎。
  

 
無意中搵到呢間

某天,身處青衣的乜乜村 (青衣既屋村我真的分不清),原打算求其找家茶記搞掂,此時竟發現一個大招牌,指示華記車仔麵的位置。結果,兩腳不聽叫喚向車仔麵店方向走去。

 
坐街

排隊買完麵後,便拿出去室外,慢慢嘆。三十幾度高溫,外面只得把風扇,好多人會頂唔順。然而,只要有得食我又唔係太怕熱,可能大家會覺得我痴線。

 
三餸

選了油麵,要左三個餸,分別是蘿蔔、豬腸,及咖喱魷魚。由蘿蔔開始入手,大大舊可惜有欠腍身,甜中更滲出一點點苦是低級錯,有點失望。

 
合心

還幸,豬腸幫忙挽回分數。色水偏黑,內有肥脂,咬落爽脆而甘香,夠邪惡,正是我想要的豬腸。

 
唔錯喎

咖喱魷魚無疑是惹味,土魷質感彈牙,卻不會硬轟轟。另想一提,佢既自家制辣油,好刺激。

 
無比受用

呢個天時,一杯凍檸茶,寧舍有存在意義。




餐廳資料:
華記小食店
青衣涌美老屋村90號地下
2436 0710

6 則留言: