陳漢記 - 腸粉與粥

食物 ：$$$1/2

環境：$$$

服務：$$$

難得入大埔，完成應做的事後，我等為食友的另一重要節目，唔使問，梗係食食食啦，區內有咁多優質小店，總有一間合胃口。

心底裡早已預了一餐在華輝食雞批蘋果批同飲奶茶，但走多一場，大概會更滿足，都係間唔使瘋狂下啫！

群記清湯腩有排未夠鐘開門，唔等了，反正都吃過好多次，去陳漢記食腸粉，也好。

   

平日不算太多人

平日的中午，未到繁忙時間，大把位俾你揀，假期當然會是另一回事。

 

食碗粥

食碗粥，簡簡單單來碗豬潤牛肉碎粥。攪一攪，沈底的牛肉碎份量不少；豬潤雖不是頂級靚貨，亦未夠厚身，至少爽脆；粥底綿，沒有多餘的味精，最大弊病，是唔夠熱。

好吃, 卻不是神級

總少不了一碟腸粉，叉燒腸又如何？

皮薄得晶瑩，透出粒粒的叉燒餡，多沾點腸粉豉油，無疑是好吃，只是又未致於話要專程來朝聖。除非，你有大把時間。

 

唔太差的

大埔街坊不太吹捧的陳漢記，我又覺得唔係太差。

下一站，是筆者每次必到的華輝了。

餐廳資料:
陳漢記
大埔運頭街91B地下
2658 2277