2016年3月4日 星期五

粗菜館 - 粗菜開年



食物:$$$1/2
環境:$$$
服務:$$$

以豬油撈飯聞名的粗菜館,佐敦分店結束後,好像無咩動靜。近日,終在北角開番間,成為一時佳話。

居住在附近的朋友,得知這裡的開業,再次醒起「粗菜館」呢三個字,遂建議在這吃開年飯,眾人沒有異議。

呢餐開年飯,一波三折,改期再改期,最終仍是唔齊人,可惜。

老友鬼鬼,大家想吃什麼菜色,直接開口說,好易湊成是晚的豐盛晚餐。
 
上等貨
 
炒豬什是必吃了吧,門口大大隻蔡瀾的提字,咁都唔食,好似唔係幾俾面喎~~除非,佢售罊架啫!

豬潤、豬肺、粉腸,諸如此類既「下欄嘢」炒埋一碟,火候控制得宜,沒有異味,頓時變成上等貨。
 
硬轟轟

爽脆魚皮,大把人驚死唔敢食,可幸筆者的朋友全是敢死隊,乜都放得入口。可惜,魚皮是硬,而不爽,大家也吃剩了。
 
合心

彈牙的魚鬆,與爽口的大荳芽,兩者結合成為妙品,筆者大愛。
 
都OK喎

原本想吃乳鴿,無奈售罊,以一記蜜味東報肉取代之。鬆化的肉質,靈魂的醬汁做得出色,合格有餘。
 
咸魚醬是焦點

蔡瀾咸魚醬蒸豆腐,亮點當然在於那咸魚醬之上,確實咸香有致,把整道菜色,昇華至另一個境地。
 
正呀!

重有一樣必食既,豬油撈飯。豬油仍是熱暖的,連同豉油,來伴飯,邪惡,卻是人間極品。
 
勁辣

超辣的蕃薯糖水,在寒天下,無比受用。
 
粗菜開年

一頓平民但美味的開年飯,不比五六星級酒店失禮。

餐廳資料:
粗菜館
北角炮台山英皇道125-133號月明樓地下
3579 4755

6 則留言: