2016年1月25日 星期一

新店速遞:瘋鳥 - 年青人,加油!




食物:$$$1/2
環境:$$$$
服務:$$$$

老老竇竇,筆者份人真的念舊,久不久也會返回長沙灣搵食,四圍走走,看看以前的蘇屋村,依家係點既樣。

這區,近月多了很多環境舒適的café,而且水準亦不平庸。或許又是土地問題,將他們邊緣化。

是日,又回到該區吃午餐。不過,同行的人,並不是波友或師兄,而是為食朋友車媽媽。

我哋既目的地,係剛開業的小店瘋鳥,是三個90後開的店,誰說90後拒絕上班,天天只顧吃喝玩樂?

若沒記錯,這裡前身叫嗱喳街,是扮懷舊的車仔麵店,以石油氣爐、鐵皮信箱等作裝飾,曾經風靡一時。
 


有個性

90後梗係唔同你搞啲咁既嘢,一棵禿樹,一些海報,一枝結他,簡簡單單,盡顯個性。
 
少了醋

眼見有炸魚薯條,我這個英國邦,梗唔會錯過。四小件的炸魚,粉漿唔會過厚,魚肉尚算嫩滑,合格貨色,只可惜欠缺了醋。反而,薯條唔錯,薯香之餘,咸味由內滲出,不用沾外來醬汁。
 
好邪惡

好似很耐無食過pizza,即管接店主的推介,來一個三色芝士炸蝦薄餅,是厚批來的。三色芝士,唔使問都知係邪惡,芝味十足,將批拉開,不乏視覺效果,絲絲愛慕。其實,單是三色芝士已好吃,頂頭再加隻炸蝦,加深罪孽。
 
試下先

年紀小小的店主是咖啡痴,會從世界各地購買咖啡豆,店中既有豆香濃的巴西豆,亦有帶果酸的埃塞俄比亞豆。如果你同店主傾咖啡經傾得投契,佢仲可能會沖一些更特別的咖啡讓你品嚐。
 
唔錯BOR~

筆者的這杯,入口不太苦,嗒落會有微微的酸味,after taste悠長。

喜歡這個小天地,然而,歡樂時間過得特別快……
 
 
餐廳資料:
瘋鳥
長沙灣順寧道65號地舖
9861 1752

5 則留言: